Posted in ჩემი ლექსები

ერთხელ ვენახში

ყუჩების კვლებში
ვაზის ფოთლები მწვანედ დნებოდნენ
ჭიგოს წამოვდე ფეხი
კვალში ჩავყუჩდი

ვაზი იძრა და
მტევნის კერტი ტუჩზე დამეცა
გემო მეამა

 

ადგომა ვცადე
ჩხას ხელი ვავლე
მტევნების სიტკბომ თავბრუ მახვია

მწვანე ფოთლები შემომეთელნენ
მტევნის კერტები შემომტკბნენ
ყუჩები კვალს მიხსნიდნენ მაღალ ბალახებში

მზე შეიმალა
წვიმა წამოვიდა
სიტკბო გარეცხა
ამოვისუნთქე