უოლტ დისნეის ვაგინა

რა უცნაურადაც არ უნდა მოგვეჩვენოს, პირველად სიტყვა “ვაგინა”, უოლტ დისნეის ანიმაციურ ფილმში წარმოთქვეს, ხოლო ანიმაციურ ფილმს სახელად, არც მეტი არც ნაკლები “მენსტრუაციის შესახებ”  ერქვა.

ეს ანიმაციური ფილმი იმ სასკოლო-საგანმანათლებლო ანიმაციური სერიების ნაწილი გახლდათ, რომელსაც დისნეი აწარმოებდა 1945-1951 წლებში ამერიკული სკოლებისთვის.

1946 წელს  დისნეის მიმართა კომპანიამ, რომელიც კოტექსის საფენებს აწარმოებდა, ამგვარად ეს იყო ერთ–ერთი პირველი კომერციული პროექტი, რომელიც გაკეთდა სკოლებისთვის და მიუხედავად იმისა რომ ფართო ეკრანებზე არ უჩვენებიათ, ანიმაციური ფილმი 105 მილიონმა მოსწავლემ იხილა.

ფილმთან ერთად დარიგდა საინფორმაციო ბუკლეტები მასწავლებლებისა და მოსწავლეებისთვის, ბუკლეტი ღიად ეწინააღმდეგებოდა  ტამპაქსის ტამპონების გამოყენებას, რომელსაც იმ დროისთვის კონკურენტი კომპანია პროქტერ & გემბლი აწარმოებდა და მასში ასევე აღწერილი იყო კოტექსის პროდუქტები.

აღნიშნული 10 წუთიანი ანიმაციური ფილმი “მენსტრუაციის შესახებ” მოგვითხრობს მენსტრუალური ციკლის შესახებ, გრაფიკულად არის გადმოცემული თუ რა პროცესები მიმდინარეობს ამ დროს ორგანიზმში, როგორ უნდა მოუაროს მოზარდმა თავს, ჰიგიენას, როგორ უნდა იკვებოს, ასევე იძლევა რჩევებს ამ პერიოდში ცეკვასთან, ვარჯიშთან, ცხენზე ჯირითთან დაკავშირებით.

ფილმზე საავტორო უფლება განახლებული არ არის, შესაბამისად თავისუფლად ხელმისაწვდომია ინტერნეტ სივრცეში.

პ.ს. ჰო ჩვენს სკოლებში ცოტა ადრეა ასეთი სწავლება, აბა რა . . .  აბა რა

30 წელი

1991 წელი, ნოემბრის თვე – თუ მეხსიერება არ მღალატობს, პირველად ამ დაავადების შესახებ მაშინ გავიგე როდესაც ფრედი მერკური გარდაიცვალა. ეს დავადებაც ზუსტად ამ ასაკის არის ჩემს ცნობიერებაში. თუმცა საქართველოში ის 1989 წელს აღმოაჩინეს, ხოლო პირველად, აშშ დაავადებების კონტროლისა და პრევენციის ცენტრმა ოფიციალურად 1981 წელს დააფიქსირა. ადრინდელი გენეტიკური კვლევები კი მიუთითებს რომ შიდსი პირველად დაახლოებით XVIII საუკუნის ბოლოს ან XIX საუკუნის დასაწყისში გამოვლინდა დასავლეთ აფრიკაში.

შემდეგ პერიოდულად ვიგებდი ადამიანების ინფიცირების ან გარდაცვალების შესახებ. დაავადება სულ უფრო და უფრო მუქ ფერებს იძენდა, აივ დადებითი ერთგვარი სტიგმა გახდა საზოგადოებაში, რაც თავის მხრივ ასოცირდებოდა უფრო ღრმად ფესვებგამდგარ სტიგმებთან, როგორიცაა ნარკომანია და პროსტიტუცია.

წლების მანძილზე, რაც უფრო დაიხვეწა დიაგნოსტიკის და მკურნალობის მეთოდები, მით უფრო გაუმჯობესდა შედეგებიც.

წამალი სრულად განკურნებისთვის ახლაც არ არსებობს, თუმცა პრეპარატების კომბინაციით შესაძლებელია დროული მკურნალობა, დაავადების სტაბილიზაცია და სხვადასხვა გართულებების პრევენცია, ისე რომ ადამიანმა ნორმალურ, ჩვეულებრივ რეჟიმში განაგრძონ ცხოვრება, საქმიანობა და არ შეეზღუდოთ კანონით მინიჭებული უფლებები და თავისუფლებები, მაგალითად როგორიც არის დასაქმების უფლება. ხშირია შემთხვევა როდესაც ამ ნიშნით ადამიანებს ათავისუფლებენ სამსახურიდან, უარს ეუბნებიან სხვადასხვა სამედიცინო მომსახურებაზე (სტომატოლოგიური, რეპროდუქციული, ოჯახის დაგეგმვა, სხვადასხვა დაავადების დიაგნოსტიკა, ანალიზები და ა.შ.)  აქ მიზეზი ისევ და ისევ შეიძლება იყოს არაინფორმირებულობა ან არასწორი ინფორმაციის ფლობა.

30 წელი არ არის ბევრი იმისთვის, რომ თავდაპირველი სტერეოტიპები გააცამტვერო და გააგებინო ადამიანებს რომ აივ დადებითის სიახლოვეს ყოფნა არ წარმოადგენს გარშემომყოფთათვის საშიშროებას და საფრთხეს.

საოცარი ფაქტები მოვისმინე სოციალური მედიის კვლევისა და განვითარების ფონდში ჟურნალისტებისა და ბლოგერებისთვის გამართულ შიდსის შესახებ საინფორმაციო შეხვედრაზე, წლების წინ ერთგან თანასოფლელებმა სახლი გადაწვეს, რადგან იქ მცხოვრები ადამიანი შიდსით გარდაიცვალა, მეორეგან გარდაცვლილის კუბოს ხელი არ მოკიდეს და ა.შ. მსგავსი ფაქტები.

აქაც ისევ და ისევ მიზეზი ის ბურუსია და ბინდია, რაც ამ დაავადებას/ინფექციას ახლავს თან. განსაკუთრებით კი რეგიონებში, სადაც არც თუ ისე ხელმისაწვდომია ინფორმაცია, ხშირ შემთხვევაში დაავადებას მალავენ, არ ხდება დროული დიაგნოსტიკა და მკურნალობა, გაცხადებულს კი კეთროვანივით არიდებენ თავს.

თუ არ იქნა შესაბამისი ყურადღება, მოვლა და მკურნალობა შეიძლება მწვავე რესპირატორული დაავადებაც (ე.წ. გრიპი) ლეტალურად დასრულდეს.

ამავე შეხვედრაზე პოზიტიური ამბავიც გავიგეთ, აივ დადებითი (ქალბატონი) დაქორწინდა და ახლა ბავშვის გაჩენასაც გეგმავენ, ჯანმრთელობას ვუსურვებ ახალ ოჯახს.

და მაინც დაავადების რა გადაცემის გზები არსებობს? 

1) დაუცველი სქესობრივი კონტაქტით (პრეზერვატივის გარეშე) აივ ინფიცირებულ პირთან;

2) ინფიცირებულ სისხლთან ან სისხლის პროდუქტებთან ექსპოზიციით – აივ ინფიცირებული ინექციების და სხვა ინვაზიური მანიპულაციებისას, არასტერილური დაბინძურებული სამედიცინო ინტრუმენტების გამოყენებით.

ყველაზე ხშირად გადაცემა ნარკოტიკების ინტრავენური მოხმარებისას ხდება აივ ინფიცირებული სისხლით დაბინძურებული შპრიცებისა და ნემსების გამოყენებით;

3) ინფიცირებული დედიდან ბავშვზე ორსულობის, მშობიარობის ან ძუძუთი კვების შედეგად.

 ამ უკანასკნელს რაც შეეხება, თუ კი დედა გადის ანტირეტროვირუსულ  თერაპიას და ბავშვს გააჩენს საკეისრო კვეთით, ინფექციის გადაცემის კოეფიციენტი მხოლოდ 1%–ს შეადგენს. ინფექციის რისკს ასევე განაპირობებს მშობიარობისას დედისმიერი ვირუსის კონცენტრაცია, რაც უფრო მეტია კონცენტრაცია, მით უფრო მაღალია გადაცემის რისკიც. ძუძუთი კვება კი 4%–მდე ზრდის გადაცემის რისკს. 

ინფექციის პრევენციის საუკეთესო და ეფექტური საშუალებაა უსაფრთხო სექსი, რისთვისაც არსებობს როგორც მამაკაცის, ასევე ქალის პრეზერვატივები და შპრიცების/ნემსების გაცვლის პროგრამები. 

მოგეხსენებათ, ინფორმაციის მასობრივად და ფართოდ გადაცემის საშუალება ისევ და ისევ ტელევიზია და რადიო გახლავთ. შესაბამისად მათი ვალდებულებაა ადამიანებს მიაწოდონ ზუსტი და მრავალმხრივი ინფორმაცია ინფექციის/დაავადების ირგვლივ, ასევე მაქსიმალურად შეეცადონ, რომ ნეგატიურ კონტექსტში არ განიხილონ სხვადასხვა ფაქტები.

ამ შეხვედრას 3 ტელეკომპანია აშუქებდა, თუმცა ისინი მხოლოდ დასაწყისში დაესწრნენ და სიუჟეტიც შესაბამისად მოკლე და არაფრის მომცემი გააკეთეს.

რაც შეეხება ტერმინებს და სახელდებებს, უპრიანია და კორექტულია თუ მოიხსენიებთ როგორც აივ დადებითს და არა ისე როგორც ხშირად მოიხსენიებენ, ”სპიდიანი”, “შიდსიანი”  უბრალოდ უხერხული და არაკორექტულია ადამიანების დიაგნოზით მოხსენიება.

 p.s. შეხებით სიყვარული გადადის, შიდსი არა 🙂 

მაესტროს სიუჟეტი 

იმედის სიუჟეტი 

 პალიტრა TV

რეალტივი :შ 

შიდსთან ბრძოლის საერთაშორისო დღესთან დაკავშირებით შიდსის ცენტრის აქცია საქართველოში. 

ასევე ამ დღესთან დაკავშირებით დაგეგმილია ღონისძიება – იხილეთ ბმული

გზამკვლევი ქართველ მამაკაცთა სამყაროში

DICOM–ს გესტპოსტი ფორუმიდან 

მხოლოდ ფორუმზე დასატოვებლად დამენანა და პოსტების ავტორის ნებართვით ბლოგზე წამოვიღე.

მაშ ასე, 3 პოსტი სერიიდან “Virgin’s guide to the world of Georgian Men”

აქა ამბავი 1 – ქართველი ქალის ორი სტაბილური მდგომარეობადედადაბოზი 

რაოდენ პარადოქსულიც არ უნდა იყოს, ქართველი მამაკაცების დიდი უმრავლესობისათვის სქესობრივი ცხოვრება სწორედ ბოზებიდან (პროსტიტუტკებიდან, ნაშებიდან და ზოგადად კომერციული სექსმუშაკებიდან) იწყება. შესაბამისად, ახალგაზრდა კაცის გონებაში სექსი ფიქსირდება როგორც რაღაც ცუდი, დამამცირებელი ის რაშიც ფულს იხდი და რაც ქვეცნობიერად არ უნდა აკადრო “წესიერ” ქალს. ყველაზე ცუდი ისაა, რომ მეძავთან სექსი რეალურად თეატრალური დადგმაა, რადგანაც ჩვეულებრივი ქალი რეალურად ისე არასოდეს იქცევა, როგორც მეძავი კლიენტთან. ამგვარად, მამაკაცების დიდი ნაწილისთვის სამწუხაროდ სწორედ ეს ხდება ნორმა და შესაბამისად ნებისმიერი ქალისაგან იგივეს მოელის.

აქ იწყება ყველაზე საინტერესო: “კაი ქალი ხარ მარა აი ლოგინში არ ვარგიხარ… ჩემთან ბოზებიც კი ათავებენ და შენ რა დაგემართა… და ასე შემდეგ . ცხადია პირველი და მომდევნო სექსის დროს გამოუცდელი ქალი ვერ მოიქცევა ისე როგორც მეძავი. მისთვის ეს მდგომარეობა სტრესია, რადგანაც აქამდე ასეთ სიტუაციაში არ ყოფილა. იმის მაგივრად, რომ ჩატარდება ქალის ელემენტარული განათლება ამ საკითხზე ჩვენი მამრების უდიდეს უმრავლესობას მიაჩნია, რომ ქალია დამნაშავე, ფრიგიდულია, ნევროზი აქვს, მორივით დევს და ასე შემდეგ… მეგობრებო – თუ არ ასწავლით ასეც დარჩება… აბა ქალიშვილი გინდოდათ ცოლად და ეს დედააფეთქებული სექსი სად უნდა ესწავლა? 😀

ახლა რაც შეეხება დედას. რაღა დასამალია და გურულის ანეგდოტივით არ იყოს – სექსს რავა აკადრებს შვილების დედას. ბევრი ქართული წყვილისთვის მაგალითად ორალური სექსი ტაბუა… სხვა ტიპის სქესობრივ ურთიერთობებზე არაფერს ვამბობ, შესაბამისად მეუღლესთან სექსი მხოლოდ მოვალეობის მოხდაა. ის არ აღიქმება სექსუალური წყურვილის დაკმაყოფილების ობიექტად. მას როგორც წესი სახლში სვამენ ბავშვ(ებ)ის გასაზრდელად და თვითონ კი “ნაშებში” მიდიან, არადა სამწუხაროა. ჩვენი ქალები არაფრით ჩამოუვარდებიან ტემპერამენტით უკრაინელ ან თუნდაც რუს ქალებს. ადექვატური მოპყრობის შემთხვევაში შედეგი ძალიან კარგი იქნებოდა მაგრამ სამწუხაროდ მამაკაცებს უჭირთ მაგალითად მეუღლე აღიქვან ქალად. ქალად ამ სიტყვის ევროპული (ე.ი ნორმალური) გაგებით როდესაც ის დედაცაა და ლოგინში ცხადია ბოზიც.

ასე რომ, თუ წააწყდით იმას რაც ზემოთ აღვწერეარ დაიბნეთ, პრობლემა თქვენში არაა, პრობლემა პარტნიორშია და იმაში რომ კომუნიკაცია არ ხდება

აქა ამბავი (ჭმუნვისა) 2 – მივცე, არ მივცე – საკითხავი აი ეს არის… 

რიტორიკული საკითხია. ფორუმზე ამ თემაზე უკვე ათასობით გვერდი და ასეულ ათასობით პოსტია დადებული. ქალიშვილობის ინსტიტუტიო, ქართველობაო, პატიოსნებაო, ნამუსიო – რა სოუსით აღარაა განხილული ეს საკითხი. საბოლოოდ შეიძლება შემდეგზე ჩამოვყალიბდეთ:

1. ნებისმიერ მამაკაცს მოსწონს გაუკვალავ თოვლზე სიარული იქნება ეს ქართველი, რუსი, ფრანგი თუ ამერიკელი. საქმე ისაა, რომ დასავლეთის და ჩრდილოეთის ქვეყნებში მათ ეს შესაძლებლობა შეზღუდული აქვთ, რადგანაც იქ ქალები თავს პატივს სცემენ და იმას აკეთებენ რაც სურთ და არა იმას რაც საზოგადოებას მოსწონს.

2. სრულფასოვანი ურთიერთობა სექსის გარეშე არ არსებობს და პარტნიორის ჭეშმარიტი შეცნობა მხოლოდ ამ კომპონენტთან ერთადაა შესაძლებელი.

3. მამაკაცი, რომელიც ქალს ქალიშვილობის არ ქონის გამო იწუნებს რეალურად ადამიანს აფასებს შემაერთი ქსოვილის რამოდენიმე კვადრატული სანტიმეტრის არსებობა არ არსებობით. დაფიქრდით – რამდენად შესაფერისია ასეთი ადამიანი თქვენთვის. ადამიანი, რომელიც მუშტრის თვალით გიყურებთ…

4. პრობლების გასაღები ქალების მიერ საკუთარი უფლებების დაცვასა და საკუთარი თავისათვის წარსულის ქონის უფლების მინიჭებაშია. მე საკმაოდ ბევრ ქალს ვიცნობ, რომელმაც ისე იცხოვრა როგორც უნდოდა და მერე ოჯახიც შექმნა – ასე რომ ყველაფერი ჩვენს ხელშია – მთავარია მოვინდომოთ.

5. დაბოლოს პასუხი თავდაპირველ კითხვაზე… ამორალურია არ მისცე იმას ვინც გიყვარს და ვისთანაც სექსი გინდა…

6. არ გამაგონოთ მამაო, ეკლესია, ცოდვა და მონანიება… კითხეთ ერთი მამაოს არ უდგება არასოდეს?  ღმერთმა რაც მოგცა ის უნდა გამოიყენო და ეს რაღაც არ შეიძლება იყოს ცოდვილი, რადგანაც თუ ეკელსიას დავუჯერებთ ყველაფერი რაც გვაქვს ღვთისგანაა მონიჭებული. 😀

აქა ამბავი  3 –ვერ ვათავებ…

ეს პრობლემა იმდენად ყბადაღებულია, რომ მასზე დაწერა ნამდვილად ღირს. წმინდა სამედიცინო ქეისების გარდა, რომელიც რეალურად სპეციალისტის მიერ უნდა იქნას შესწავლილი არსებობს მრავალი სხვა შემთხვევა, როდესაც ადამიანი ჯანმრთელია მაგრამ მაინც “ვერ ათავებს”.

სამწუხაროდ ქალთა გარკვეულმა ნაწილმა არც იცის, რომ სექსი სიამოვნებისთვის არსებობს და არა მხოლოდ ბავშვების გასაჩენად. ქალთა ნაწილისთვის საერთოდ წარმოუდგენელია რას ყვებიან მათი დაქალები იმ ფანტასტიურ შეგრძნებაზე, რომელსაც ორგაზმი ჰქვია… აქაც სამწუხაროდ ხშირად მამაკაცია დამნაშავე, რადგანაც ქალის სექსუალურ აღზრდაზე სწორედ მან უნდა იზრუნოს. ნუ თუ თავად არ იზრუნებს ისეთი ატმოსფერო მაინც უნდა შექმნას სადაც ქალს სექსუალური თვალსაზრისით ზრდისა და შემეცნების სურვილი გაუჩნდება.

სექსუალურად თავისუფალი ქალი ქართველ მამაკაცს მხოლოდ კოშმარულ სიზმარში თუ წარმოუდგენია. ასე ხომ შეიძლება სხვა კაციც მოუნდეს იდეაში? იქნებ მერე გადაწყვიტოს რომ ეს ერთი პენისი მოწყინდა და სხვა უნდა უფრო დიდი, პატარა ან თუნდაც სხვა ფორმის? 😀 ეს ხომ კატასტროფაა… არა… არააააააა 😀

აქ ერთი ანეგდოტი გამახსენდა: ორი ძმაკაცი საუბრობს. ერთი ეუბნება მეორეს – ბიჭო რა ვქნა ცოლი მომყავს და როგორ გავარკვიო ქალიშვილია თუ არა? მეორე პასუხობს – პენისი შეიღებე ბრილიანტის მწვანით და გაარკვევ. – ეგ როგორ? -აი ისე, თუ გაუკვირდა რომ მწვანეა ესეიგი იცის ნამდვილი რა ფერისაა 😀

ჩვენი მამრების უმრავლესობა სწორედ ამ ლოგიკით სარგებლობს… შედეგად ვიღებთ იმას, რომ ქალს სექსზე არასწორი ან არასრული წარმოდგენა აქვს და ის მხოლოდ მოვალეობა გონია. დაუკმაყოფილებელი ქალი კი მტრისას. გამოდით ქუჩებში და შეხედეთ ჩვენი ქალების სახეებს. 10 დან მხოლოდ 1-2 თუ იღიმის. იმდენი მოქუფრული სახეა, რომ… ნუ რასაკვირველია აქ მიზეზი მხოლოდ სექსი როდია თუმცა ის ერთერთი უმნიშვნელოვანესი მიზეზია…

რაც უფრო დიდი ასაკისაა მით უფრო მეტადაა მოღუშული – არადა ქალის სექსუალობა 30 წლისთვის იფურჩქნება… მანამდე ქალი სექსუალურად ყალიბდება და სწავლობს… შესაბამისად, იდეაში სექსისგან ყველაზე მეტ სიამოვნებას და შესაბამისად კმაყოფილებას 30 დან 40 მდე კატეგორია უნდა იღებდეს მაგრამ ეს მხოლოდ ევროპაში ხდება ალბათ 🙂 აქ პირიქითაა… ჩვენთან ხომ მამაკაცები 20 წლით პატარა ქალებზე ქორწინდებიან… რომლებიც ალბათ მეზობლისთვის უნდათ საბოლოოდ…

თუმცა ვერ გათავებას მეორე სახეც აქვს. სამწუხაროდ ისე ხდება, რომ მიუხედავად დიდი სექსუალური გამოცდილებისა, გულისხმიერი პარტნიორისა და ზოგადად ჯანსაღი გარემოსი ქალთა ნაწილი მაინც ვერ ათავებს. აქ ყველაფერს ნათელს ფენს ცნობილი სურათი.

ქალის ორგაზმი იმდენად მრავალწახნაგაა, იმდენ ფაქტორზეა დამოკიდებული, რომ ხშირად ძნელია პრობლემის ზუსტი მიზეზის დადგენა. ასეთი ქალების ნაწილი ორგაზმს განიცდის პირველი ბავშვის გაჩენის მერე, ხოლო ნაწილს ესეც არ შველის სამწუხაროდ… მედიცინა ვითარდება და ამჟამად არსებობს ექსპერიმენტული მეთოდები, რომელთა მეშვეობითაც შესაძლებელია ორგაზმი ნებისმიერ ქალს განვაცდევინოთ, მაგრამ ეს მეთოდები ჯერ მხოლოდ კლინიკური ტესტირების სტადიაშია…

—–

P.S.  “Anybody who believes that the way to a man’s heart is through his stomach flunked geography.” 😀

ბებიაჩემი SPA სალონში

ცაიშში რამდენჯერმე ვარ ნამყოფი ბავშვობაში, უფრო ხშირად კი გავლით, თუმცა ისე მოხდა, რომ არც არავის უთქვამს და არც მე გამიგია, რომ ცაიშში თერმული წყლები მოედინება და ყოფილი საბჭოთა კავშირის მასშტაბით განთქმული სამკურნალო კურორტი ყოფილა.

არც ახლა მეცოდინებოდა ბებიას რომ არ დაერეკა გახარებულს და არ ეთქვა ჩემთვის, რომ უკვე 10 დღეა ცაიშში დადის პროცედურებზე და შედეგი აქვს, მოეშვა და გამართა ფეხები, სიარული აღარ მიჭირსო (ართრიტი).

ჩემს გონებაში უეცრად წარმოვიდგინე ცხელი მოჩუხჩუხე წყლები, ბუნებრივი ჯაკუზი, მაკუზი, მისკუზი, გადავეშვი ოცნებების მორევში კი არადა თერმულ წყლებში . . . .  მაგრამ როგორც პრეზიდენტი იტყოდა ნურას უკაცრავად! 😀

თან ვესაუბრები თან ვგუგლავ, ვარკვევ დეტალებს, სად როგორ შეუძლია ადამიანს წავიდეს, განთავსდეს ცაიშში, დაისვენოს, გადაეშვას სრულ რელაქსაციაში, ვერაფერი ვიპოვე გარდა ერთი საინფორმაციო ვიდეორგოლის, სადაც ცაიში ტირის პირდაპირი მნიშვნელობით,  ოთხივ კუთხით აღვარღვარებს თერმულ ცრემლებს, დანგრეულია კურორტი, მიწასთან არის ყველაფერი გასწორებული.

გავოგნდი! ის რისთვისაც ადამიანები უზარმაზარ თანხებს იხდიან თბილისურ სალონებში ან თუნდაც საზღვარგარეთ, აქვე ჩვენს ქვეყანაში უპატრონოდ მიედინება.

იქვე ვიდეოში ნანახ ხავსს მოვეჭიდე და ბებიას გამოვკითხე, სად და როგორ მიდიოდა, სად ჩერდებოდა, როგორ იკეთებდა ამ პროცედურებს, არაფერი, თურმე რაღაც ორი მილია გამოჩხერილი, იქ დგებიან 10–20 წუთი, ვიღაც ჭკვიანს მოუფიქრებია ეზოში შეყვანა ერთი მილის, თბილისიდან თუ მოუნდა ვინმეს ჩამოსვლა დიდი–დიდი ოჯახში გაჩერდეს სადმე ცოტა ხნით, ეს მეთოდიც ასე აპრობირებული არ არის, მოკლედ როგორც SPA–კურორტს დიდი ხანია ხალხი გადაჩვეულია უკვე.

ცაიშის ჰიპერთერმული მინერალური წყალი საყურადღებოა თავისი უნიკალური შემადგენლობით – ის სულფიდებს, ქლორიდებს, ჰიდროკარბონატებს, კალციუმს, ნატრიუმს, მაგნიუმს, აზოტს, გოგირდწყალბადს შეიცავს. სპეციალისტთა აზრით, ანალოგი არც ცაიშის წყაროებს მოეპოვება. ამ წყლით მკურნალობენ ნევრალგიას, ნევრიტს, რადიკულიტს, ქრონიკულ გინეკოლოგიურ დაავადებებს, ფსორიაზს, ეგზემას, ნეიროდერმიტს, ართრიტებს და გულ-სისხლძარღვთა დაავადებებს. 

ფოტო – ცაიშის SPA კურორტი

ფოტოს წყარო: karavi.ge – (archili)

ცაიში

Sanitas Per Aqua ჩვენებურად

უფრო მეტი იხილეთ აქ 🙂

ლეღვის ფოთლების თაობა

ყოველდღიური ნიუსების მნიშვნელოვანი ნაწილი უკვე ლეღვის ფოთლების ნახარშს და დახრუკულ ადამიანებს ეძღვნებათ, არ აქვს მნიშვნელობა სხვა რა ხდება ქვეყანაში.

დახრუკულთა ასაკობრივი მაჩვენებელი სხვადასხვაა, 9, 13, 15, 19, 33 წლის და ა.შ. 13 წლის შეიძლება ბავშვურ გულუბრყვილობას შეიძლება დავაბრალოთ, მაგრამ ბავშვი ვიცი მე ქვიშაში, რომელიც ისედაც კარგად ირუჯება. სხვადასხვა ადგილებიდან, თბილისი, მარტვილი, სამტრედია, დედოფლისწყარო, ქუთაისი და ა.შ.

გადავატრიალე ინტერნეტი, რუსულ და ინგლისურ ენებზე ვეძებდი მსგავს შემთხვევებს, რუსულ ენაზე მხოლოდ საქართველოს შემთხვევები მიჩვენა, მაგალთად ასეთი სათაურით “Грузинские девушки «изжарились» по народному рецепту” და ა.შ

ინფორმაცია, სადაც თუნდაც ერთი წინადადებით მაინც იქნებოდა ახსნა თუ რატომ მაინც და მაინც ლეღვის ფოთლების ნახარში კანის ფერის შესაცვლელად – მე ვერ მოვიპოვე.

ბავშვობაში, ახლა მახსენდება, თითზე დამეწვეთა ფოთლის ყუნწიდან წამოსული რძე, რომელმაც გამოიწვია სიწითლე, წვა, შემდეგ ქავილი, ხეზე ასვლის და ლეღვის დაკრეფის დროსაც ყოველთვის ფოთლებს ვერიდები, რადგან მშრალ მდგომარეობაშიც კი ის სუსხავს კანს, აღიზიანებს და იწვევს ქავილს (ბრრრ).  და ამის ფონზე ვერაფრით წარმომიდგენია როგორ უნდა მოხარშო ეს ფოთლები, მაშინ როდესაც ხარშვის დროს კიდევ უფრო გამოიყოფა ჯანმრთელობისთვის მავნე ნივთიერებები, როგორ უნდა გადაივლო ეს ნახარში ტანზე და დადგე თაკარა მზეზე.  კატასტროფული შედეგებიც სახეზეა,  მე-2, მე-3 ხარისხის დამწვრობები.

უფრო დეტალურად, კი ამას ჰქვია ფიტოფოტოდერმატიტი (ფოტოტოქსიკური დერმატიტი), რომელსაც იწვევს აღნიშნული ნახარშის შემადგენელი ქიმიური ნივთიერებები, კერძოდ კი ფურანოკუმარინები – ორგანული ქიმიური ნაერთები, რომელიც თავის მხრივ შეიცავს ფსორალენებს, 5-მეთოქსიფსორალენს, 8-მეთოქსიფსორალენს, ანგელიცინს, ბერგაპტოლს და ქსანთოტალს. 

აღნიშნული ბუკეტის გადავლების შემდეგ თქვენი კანი ხდება ფოტოტოქსიკური ანუ ზედმეტად მგრძნობიარე მზის სხივების მიმართ, რაც პირდაპირ ნიშნავს იმას რომ იბუგებით, იწვით.

პირველ რიგში, სწორედ ფსორალენი იწვევს კანის ფოტოტოქსიკურ რეაქციას, შემდეგ მას ხელს უწყობენ ლეღვის ფოთოლში შემავალი ისეთი ფერმენტები, როგორიცაა პროტეაზა, ლიპოდიასტაზა და ამილაზა, რაც  თავის მხრივ იწვევს კერათოლიტურ რეაქციას ანუ ეპიდერმისის (კანის ზედა ფენა) დაშაშრებას.

შედეგად იღებთ საოცარ წვის შეგრძნებას (თითი მაინც თუ დაგეწვათ ეს უნდა წარმოიდგინოთ მთელ სხეულზე), ქავილს, ერითემას, ჯერ პატარა ბუშტებს (პაპულები, ვეზიკულები), რომელიც შემდეგ დრო და დრო იზრდება ზომაში, ძალიან ძლიერი დამწვრობის შემთხვევაში შესაძლოა დაგჭირდეთ კანის გადანერგვა, მკურნალობა გასტანს დაახლოებით 1 თვეს, კანზე აუცილებლად დაგრჩებათ ნაკვალევი, ასევე შესაძლებელია განვითარდეს ჰიპერპიგმენტაცია (ფრჩხილების და კანის ალაგ–ალაგ გამუქება მელანინის ზედმეტად გამოყოფის გამო) და ჰიპოპიგმენტაცია (კანის ფერის დაკარგვა მელანინის არაკეთილსინდისერად გახარჯვის გამო 😀 )

კიდევ ერთი არ მესმის, სოფლებში ვინც ხართ, ან მდინარე, ან ტბა, ან ზღვა ან რამე არ არის რომ ბუნებრივად და ნორმალური დოზებით გაირუჯოთ? სად გეჩქარებათ? მოგდევთ ვინმე?

და საერთოდ, გამოიღეთ პეროები და ჭამეთ ლეღვი.

პ.ს. თუ რამე კითხვები გაქვთ მკითხეთ, არ მოგერიდოთ.

პ.პ.ს წაისვით მზისგან დამცავი ლოსიონი, ზღვაზე, მდინარეზე, ტბაზე გასვლამდე 20 წუთით ადრე და მზეზე 11 საათის შემდეგ ნუ დარჩებით.  ამგვარად მიიღებთ ბუნებრივ, სასიამოვნო შეფერილობას და არა რწყევამდე მისაყვან ნარუჯს, რომელიც დაუბანელის, ჭუჭყიანის და სიყვითლის მიქსს უფრო ჰგავს ვიდრე რამე სექსუალურს.

გვერდი ფეისბუქზე

კიდევ ერთი სწრაფად გარუჯვის მოსურნე (ეს მარგალიტიც შემომეძებნა) 

ფიტოფოტოდერმატიტი

პახმელია ვარ და ბორჯომი დამალევიეთ

”ბრალდებულო გიგილო, რას ითხოვთ სასამართლოს ბოლო სიტყვაში, – მიმართა მოსამართლემ.

– პახმელია ვარ და ბორჯომი დამალევიეთ.”

მოდი დავთვრეთ, მოდი დავლიოთ, მიდი დაასხი, არა, რა საჭმელი, მხოლოდ სასმელი.

ყოველ თვე, ყოველ კვირა, ყოველ დღე სასმელზე ფიქრი, ფიქრი, რომელიც უკვე დამოკიდებულებაა, ცუდი ჩვევა, რომლის ტყვეც ხარ. რა არის ეს? პრობლემებისგან გაქცევა? თავის დაღწევა? სითამამის ილუზიის შექმნა? საზოგადოების რაღაც სახასიათო ნაწილში თავის დამკვიდრების საშუალება? ასეთი კითხვები ულევია, უფრო ხშირად კი რიტორიკული, პასუხები ნაკლები და კიდევ უფრო გაურკვეველი.

ეს ის შემთხვევაა, როდესაც ღვინოში არსებული ჭეშმარიტება ილუზიაა, გარემოც ილუზიურია და შენს გარშემოც ილუზიური ორფეხა არსებები დარბიან, ამ არსებებში მხოლოდ ერთი გენიოსია, ის, რომელიც სვამს, აბა რა! ჭეშმარიტება თუ ღვინოშია, ის ვინც სვამს შესაბამისად ისრუტავს მას და შემდეგ ღაღადებს ამ ჭეშმარიტებას, რაღაც ტრანსფორმირებული სახით, ასე არ არის?  ან წერს.

”ოცი წლის კაცმა ყველა მარკის ღვინო ვიგემე,

ვაგლახ, ცხოვრების მარიფათს, რომ ცუდად მიგებენ!

ზემელზე ვდგავარ დღე და ღამე რუსთაველის ძეგლთან

და, ღმერთო, მაინც უგნურები ძეგლს არ მიგებენ.”

 

და ვიღაც იტყვის, უნდა და დალიოს, თუნდაც ყოველდღე, რა არის ამაში ცუდი?

კი, დალიოს თუ უნდა, უბრალოდ მე გეტყვით რა არის ამაში ცუდი, მერე თქვენ გადაწყვიტეთ.

პონტი

თქვენ სვამთ, რაც დრო გადის, უფრო მეტს და რეგულარულად, ისეც ხდება, რომ ყოველდღიური გეგმები სწორედ სასმელის გარშემო იკერება, დააკვირდით თქვენ თავს, მიდიხართ იქ სადაც პონტია სასმელის, სადაც დღე ან იწყება ან დასრულდება სასმელით, თუ  გეგმიურად არც იწყება და არც სრულდება სასმელით, მაშინ თქვენ ყველანაირად ცდილობთ თავს მოახვიოთ თქვენი აზრები სხვებს და როგორმე გეგმა სასმელით დაასრულოთ – აი ეს უკვე დამოკიდებულებაა! SOS!

ლოთიანად, თავი დაგანებოთ? ჰმ, არავითარ შემთხვევაში! განაგრძეთ კითხვა!

თინეიჯერი

თინეიჯერი, მოზარდი, რომლის სხეული ამ ასაკში მნიშვნელოვან ცვლილებებს განიცდის, ჰორმონალური ცვლილებები, ტვინის განვითარება ა.შ. ხასიათის, სხეულის ცვლილებები, თან ეს ის დროა, როდესაც იგი ადაპტაციას ახდენს უფრო და უფრო მეტ მეგობართან, არკვევს ურთიერთობას ბავშვობის მეგობრებთან. უფრო მეტად აწევთ ”მორგების” ან ”ხალხში გარევის” ტვირთი, რათა თავი დაიმკვიდრონ ამა თუ იმ სოციალურ ფენაში.  ეს ძნელია, ვიღაც მიიღებს, ვიღაც არ მიიღებს, გააგდებს, დასცინებს, დაჩაგრავს ან პირიქით, ადაპტაციის შედეგად ვიღებთ სხვადასხვა კომპლექსს, რაც სასმელით კიდევ უფრო გაუგებარ ფორმებს იღებს, უფრო ძნელდება ახალ გარემოსთან შეგუება, მარტოობა, განდეგილობა, შემდეგ მიდის ამ ასაკში გაჩენილი კომპლექსები ჩქმალვა, შენიღბვა, რომელიც სინამდვილეში შეიძლება არც იყოს კომპლექსი, მაგრამ ასე ესმოდეს, რომ ეს კომპლექსია. ამ პერიოდში სასმელი, როგორც ზემოთ ვახსენე, აფერხებს ტვინის განვითარების მნიშვნელოვანი პროცესებს, რაც იწვევს სუსტად, მაგრამ ტვინის კოგნიტურ დაზიანებას და სმის შემდგომ ესკალაციას.

ესკალაცია

ალკოჰოლი, სწრაფად, 5-10 წუთის მანძილზე აბსორბირდება ორგანიზმის მიერ,  მისი გავლენა კი გრძელდება რამოდენიმე საათს, გააჩნია რა დოზა მიიღეთ და რამდენად სწრაფად შეითვისეთ.  ქალები უფრო სწრაფად ითვისებენ ალკოჰოლს, ვიდრე კაცები, რადგან მათი სხეული უფრო მეტ წყალს შეიცავს.  თუმცა ქალებში ალკოჰოლის მიღება უფრო მეტი რისკის მატარებელია, მატულობს სხვადასხვა დაავადების რისკი, როგორიცაა მაგალითად ძუძუს კიბო.  ნაადრევი მენოპაუზა, შეიძლება რაც საშვილოსნოს, ღვიძლის სიმსივნის წინაპირობად იქცეს.

აღელვება, აგრესია, დეპრესია, სუიციდური შეგრძნებები, ეს ალკოჰოლური დამოკიდებულების ფსიქოლოგიური სიმპტომებია. უძილობა, მეხსიერების დაკარგვა, ყურადღების დეფიციტი, ჰიპერაქტივობის მოშლა, ესენიც დამოკიდებულების მარგალიტებია.

სექსი

იმპოტენცია, ზედმეტი აღგზნებადობა და შემდეგ არაფრის ტრაკის ქონა, სექსუალური ასევე არაფრის არც მომცემი და არც მიმცემი ფანტაზიები, სურვილის გაქრობა;

ახალი სამეცნიერო კვლევებით ალკოჰოლური დამოკიდებულების კლინიკური დიაგნოზი მოზარდებში დაკავშირებულია სექსუალური პარტნიორების სიმრავლესთან, რაც თავისთავად ზრდის ვენერიული დაავადებების, დაუგეგმავი ორსულობის და ჯანმრთელობის სხვა გართულებების რისკს.

”კვლევის ზოგიერთმა მონაწილემ 50 ან 100 პარტნიორი დაასახელა, მიხვედრაც ადვილია და კვლევამაც დაადასტურა, რომ რაც უფრო მეტი სექსუალური პარტიორი გყავს, მით უფრო მეტია ვენარასგან საჩუქრის მიღების შანსი”- აღნიშნავს მედიცინის დოქტორი, პატრისია ქავაზოს-რეგი.

 

—————————————————-

მე დამილევია თუ არა? და საერთოდ აზრზე ვარ თუ არა რა არის სასმელი? მე მეკითხებით?

აა, ხოო კაი . . .

კი, რამოდენიმეჯერ მაგრად ჩავთვერი, ერთხელ ღვინოში, მეორედ არაყში, მესამედ ჩაკიდულში ჩავვარდი.

რატომ ჩამოვთვალე ასე გარკვევით?

ესენი ყველაზე მეტად დასამახსოვრებელი იყო, ამ პოსტის წამკითხავთა შორის ყველაზე დიდი ალკოჰოლიკიც ვერ დალევს იმდენს, რამდენიც მე მაშინ დავლიე.

მოვყვე? რა? სად? როგორ?

ლოთიანად თავი დამანებეთ რა, თითო ამბავს უნდა თითო პოსტი, ეგრე სად არის!

დამიწერია თუ არა რამე სიმთვრალეში?

კი, იხილეთ ”ჩემ შესახებ” 😀 და არა მარტო ეგ 🙂 🙂

ყველაზე ორიგინალური გამიკეთებია?

ნაბახუსევზე მოხარშული სტაფილოთი გამოვედი

სხვა რას გავიხსენებდი?

რამდენი კითხვები გაქვთ, თქვენ ნასვამი ხომ არ ხართ?

 

———————-

”ვსვი აზარფერშით ყურძნის სისხლი შვიდ დღეს კვირაში,

მსურდა მოხვედრა სასამოთხო კაცთა სიაში,

მაგრამ, ჰე, ღმერთო, სამართალი სად არი შენი,

სამოთხის ნაცვლად რად ვიღვიძებ მილიციაში?!”

 

 

თუ ორსულად ხართ, ნუ წაიკითხავთ

მაინც რა გული აქვს გუგლს, რა ორიგინალურად მაცნობა დღეს, რომ რენტგენის სხივების აღმოჩენიდან 115 წელი შესრულდა!

მოკლედ იქს სხივები 1895 წლის 8 ნოემბერს აღმოაჩინა უილჰელმ კონრად რენტგენმა, შემთხვევით მოუვიდა კაცს, რა მოხდა . . .

აღმოაჩინა და არც არავის უთხრა, ემანდ გიჟად არ ჩამთვალონო. ნანახი თავადაც არ სჯეროდა და ორი თვის შემდეგ კიდევ გაიმეორა ექსპერიმენტი, გადაამოწმა და იფიქრა მართლა გაგიჟდა თუ არა. იქს-სხივებში ყველაფერი გაატარა და აღმოაჩინა, რომ დასხივებას მხოლოდ ტყვია და ძვალი ბლოკავდა. ერთი კვირის თავზე მეუღლის ხელის მტევანს გადაუღო (არ გადაუღებდა და . . .), თან საქორწინო ბეჭედიც გამოაჩინა (არ გამოჩენდა და . . .) აი ასე მივიღედ პირველი რენტგენული ფოტო.

ხელთ ეპყრა რა მეუღლის მტევნის ფოტო, ღრმად ჩაისუნთქა და 1896 წლის 1 იანვარს გამოაცხადა იქს-სხივების აღმოჩენის შესახებ.

ეს იყო გაჭრა მეცნიერების ახალ ფაზაში. ევროპის და ამერიკის ფიზიკოსები შოკში იყვნენ, არიქა და დაფაცურდნენ ახსნა-განმარტების საძიებლად. აქეთ ჰერცი და ლენარდი ეცნენ თავიანთ ქრუკის მილს; იქეთ თომსონი ეცა ოქროსფურცლოვან ელექტროსკოპს, ედისონმა მთლიანად ჩონჩხი გაატარა იქს-სხივებში. ექიმებმა და ქირურგებმა პაციენტების მოტეხილობების რენტგენული დასხივება დაიწყეს, აქ ნამეტანი გამოყენებისგან ზოგჯერ პაციენტები ეხრუკებოდათ დასხივებისგან. იმ დროს სტუდენტმა რეზერფორდმა, ამერიკაში მეგობარს მისწერა ”ევროპაში თითქმის ყველა პროფესორი ახლა ფრონტის ხაზზეა”  და მართლაც ასე იყო, ყველა ცნობილი ფიზიკოსი თუ ქიმიკოსი აღმოჩენების ვნებებით იყო შეპყრობილი.

აღმოჩენები ზვავივით წამოვიდა. ჰენრი ბეკერელმა სრულიად ახალი, ურანით ემიტირებული სხივები აღმოაჩინა.  მარია და პიერ კიურებიც, დაიბოღმნენ და თავის მხრივ ბეკერელის სხივებს ეცნენ და აღმოაჩინეს პოლონიუმი, რადიუმი (პარიზში მეტი საქმე ვერ ნახეს).

კიდევ კარგი რენტგენმა სხივები აღმოაჩინა, თორემ რა გვეშველებოდა, მანამდე კოლბებზე ეძინათ ფიზიკოსებს და ქიმიკოსებს.

დავსხივდი რამდენი ვწერე

ყველაზე ცნობილი რენტგენული სურათი არის მერლინ მონროს სამი რენტგენული სურათი, მკერდის წინხედი, გვერდხედი და მენჯი გადაღებული 1954 წელს, 28 წლის ასაკში.   აღნიშნული სურათები აუქციონზე 45,000 აშშ დოლარად გაიყიდა.

Hand mit Ringen (ხელი ბეჭდით): უილჰელმ რენტგენის პირველი სურათი, სადაც გამოსახულია მისი მეუღლის ხელი, თითზე საქორწინო ბეჭდით

მერილინ მონროს მკერდის წინხედი

გვერდხედი

მერილინ მონროს მენჯი

 

გუგლის ჩონჩხი 🙂 🙂

ომის პერიოდის ნევროზი

კიდევ ერთი არალიტერატურული პოსტი ჩემს ბლოგზე. შემთხვევით წავაწყდი ამ თემას, მოვიძიე რაღაც მასალები და გადავწყვიტე თქვენც გაგიზიაროთ.

ომის პერიოდის ნევროზი (ასევე სამხედრო ტრავმა, ომის შოკი და ა.შ.) არის სამხედრო-სამედიცინო ტერმინი, რომელიც გულისხმოვს ბრძოლისგან მიღებული სტრესის მთელ რიგ მოვლენებს, რაც საერთო ჯამში ამცირებს მეომრის ბრძოლისუნარიანობას და მისი ქმედებების ეფექტურობას.

ჩემი მცირე სამედიცინო ინტუიციით მარტივი იქნება თუ მას ვუწოდებთ სინდრომს, ვინაიდან იგი ე.წ. ”სიმპტომების” სახით მრავალ ცალკეულ დაავადებას მოიცავს და ცხადია საჭიროებს კომპლექსურ და ხანგრძლივი მკურნალობის კურსს.

სამხედრო ჰოსპიტალებში მომუშავე ბრიტანელმა ექიმებმა, აღნიშნული სინდრომი 1914 წელს შენიშნეს პაციენტებში. დაღლილობის, გაღიზიანების, კონცენტრაციის დაქვეითების და თავის ტკივილების შემდეგ საბოლოო ჯამში ჯარისკაცებს გონებრივი აშლილობა აღენიშნებოდათ და წინა ხაზზე მათი დატოვება უკვე შეუძლებელი ხდებოდა .

ზოგიერთი ექიმი მივიდა იმ დასკვნამდე, რომ ჯარისკაცების ამგვარი მდგომარეობა მტრის მძიმე არტილერიით იყო გამოწვეული. ექიმები ამტკიცებდნენ, რომ ჭურვების აფეთქება ქმნის ვაკუუმს და როდესაც ჰაერი ვარდება ამ ვაკუუმში, იგი არღვევს ცერებრო-სპინალურ სითხეს და მწყობრიდან გამოჰყავს ტვინის მუშაობა.

ექიმებს ღრმად სწამდათ, რომ ომის შემდგომი ნევროზის ერთადერთი განკურნების გზა იყო ბრძოლის ველიდან ჯარისკაცების მოცილება. ასეთ შემთხვევაში სამხედრო მოსამსახურეს სახლში აგზავნიდნენ გამოსაჯანმრთელებლად.

თუმცა აქ უნდა აღინიშნოს, რომ სხვა ჯარისკაცები ალმაცერად უყურებდნენ ამ სინდრომით დაავადებულ ჯარისკაცებს და ფიქრობდნენ, რომ ისინი უბრალოდ ლაჩრები და მშიშრები იყვნენ და ამ გზით ომისგან თავის დაღწევა სურდათ მათ.

1914 და 1918 წლებში, ბრიტანეთის არმიამ, ამ სინდრომით 80,000  ჯარისკაცი დააფიქსირა. უფრო დიდი რაოდენობის შემთხვევები სიმულაციად იქნა მიჩნეული და კვლავ უკან, ფრონტის წინა ხაზზე გააგზავნეს. ზოგიერთი შემთხვევა სუიციდით დასრულდა. ზოგი ვერ უძლებდა სტრესულ სიტუაციებს და არ ემორჩილებოდა ზემდგომთა ბრძანებებს. ზოგი დეზერტირობდა. ზოგჯერ. ჯარისკაცებს, რომლებიც არ ემორჩილებოდნენ ბრძანებებს ადგილზე კლავდნენ, ზოგი კი სამხედრო-სასამართლო ტრიბუნალს გადაეცემოდა. დაუმორჩილებლობისთვის ჩვეული სასჯელი იყო “#1 საველე სასჯელი” (F.P.1) ე.ი. ჯარისკაცს აბამდნენ ერთ, ფიქსირებულ ადგილზე ხელებზე და ფეხებზე ბორკილების საშუალებით რაც ორი საათიდან მაქს.28 დღემდე გრძელდებოდა.

დაღლასთან დაკავშირებული სიმპტომები

რეაქციის დროის შენელება

ფიქრის პროცესის შენელება

სიძნელე დავალების პრიორიტიზირებისას

რუტინული დავალებების დაწყების  სიძნელე

ყოყმანი და კონცენტრაციის დეფიციტი

დაღლა/მოქანცვა

წვრილმან და უმნიშვნელო საკითხებზე ყურადღების გადატანა (озабоченность)

ვეგეტატიური (ავტონომური) აქტივობები

თავის ტკივილი, ზურგის ტკივილი, მოდუნების/მოსვენების შესაძლებლობის დაკარგვა;

კანკალი და ტრემორი, ოფლიანობა,

გულძმარვა და გულისრევა, მადის დაკარგვა

კუჭ-ნაწლავის ტრაქტის მოშლილობა; გახშირებული შარდვა; შარდვის შეუკავებლობა

ჰიპერვენტილაცია (ღრმა და ხშირი სუნთქვა); თავბრუ; უძილობა; ღამეული კოშმარები

მშფოთვარე ძილი; ჭარბი ძილიანობა; ჭარბი სიფხიზლე

გაღიზიანება; აღელვება; დეპრესია; შიშის მომატებული შეგრძნება

ალკოჰოლის და ნარკოტიკების ბოროტად გამოყენება

ადაპტაციის დაკარგვა; სუიციდის შემთხვევები/მიდრეკილება

ნდობის დაკარგვა გარშემომყოფების მიმართ

დაბნეულობა; კონტროლის დაკარგვა.

ამერიკის ფსიქიატრთა ასოციაციამ ომის ტრავმატული ნევროზის სხვადასხვა შემთხვევებზე დაყრდნობით შემდეგი მიზეზები და მოვლენათა დახასიათებები წარმოადგინა:

1. დანაშაულის გრძნობა დაუცველი მოწინააღმდეგის (სამოქალაქო ან სამხედრო პირის) მოკვლის ან მასზე თავდასხმის გამო, მნიშვნელოვანი ფაქტორია ომის ტრავმატული ნევროზისთვის. აქ შემთხვევაში ბრძოლა მიდის მილიტარისტულ კოდსა და მანამდე არსებულ უფრო ძლიერ ძალადობის წინააღმდეგ ბრძოლის კოდს შორის.

2. ფიზიკური ტრავმა ან ქირურგიული ტრავმა, რომლის გამოც მოხდა იძულებით იმობილიზაცია ხელს უწყობს ომის ტრავმატული ნევროზის განვითარებას, რადგან იგი ართმევს ჯარისკაცს შესაძლებლობას მოძრაობის/მოქმედების საშუალებით გამოვიდეს სტრესული მდგომარეობიდან (ანუ ლონიგზე მიჯაჭვულობა უარესია ასეთი მდგომარეობისთვის).

3. მეტყველების მოშლა, როგორიცაა ენის ბორძიკი ასევე შესაძლოა გაჩნდეს, მიუხედავად იმისა, რომ მანამდე ამის არანაირი ნიშანი არ ჰქონდა ჯარისკაცს.

4. ომის მოგონებების და ბრძოლის სცენებით სავსე სიზმრების მონოტონური გამეორება დანარჩენ მსოფლიოს ძალიან საშიშ ადგილად აქცევს. პაციენტი ყოველდღიურ სამოქალაქო ცხოვრებაში ისე რეაგირებს თითქოს ბრძოლის ველზე იყოს (მაგ. აგრესია, უმიზეზო ჩხუბი, გაღიზიანება, უმიზეზო ეჭვიანობა, ცემა (მაგ. მეუღლის, შვილების)

ქვემოთ მოცემულ ფილმში (ნაწილ-ნაწილ არის მოცემული) ასახულია 18 სხვადასხვა რანგის ბრიტანელი ჯარისკაცის მკურნალობის პროცესი, რომლებსაც სწორედ ომის პერიოდის ნევროზის აწუხებდათ. ფილმი გადაღებულია 1917 წელს, ნეთლის სამხედრო ჰოსპიტალში.

ნეთლის ჰოსპიტალი – რიგითი (23 წლის) – სრული რეტროგრადული ამნეზია, ისტერიული დამბლა, კონტრაქტურა (დაზიან. კიდურის მოძრ. შეზღუდვა), მუტიზმი (სიმუნჯე, უარი პასუხის გაცემაზე) და უნივერსალური ანესთეზია (მგრძნობელობის დაკარგვა).

 

ნეთლის ჰოსპიტალი – კაპრალი (27 წლის) ისტერიული ”მოცეკვავე” სიარულის მანერა

 

1916 წ. დევონშირის ჰოსპიტალი (ომის ნევროზით დაავადებული ყოფილი ჯარისკაცების წყლის სხვადასხვა პროცედურებით მკურნალობა (წყლის ჭავლი, შხაპი, მეტად საინტერესო კადრებია)

 

გამოყენებული ბმულები:

SPARTECUS

CSR

AJP