Voyage


ვთქვი, თარგმანი თუ ვერ მოვრჩი თვითმფრინავიდან გადმოვყრი, მაგრამ არ შევასრულე; ჯერ იყო და აეროპორტში ვთარგმნიდი, მერე თვითმფრინავში გავაგრძელე და ბოლოს იმავე ღამეს სასტუმროში დავასრულე, სრულ დასვენებამდე ბოლო წუთამდე ვიღლებოდი.

ეს ისე სხვათაშორის.

ხოლო ასე კი:

ავსხედით თვითმფრინავში, დავსხედით ორნი, სად იყო და სად არა თავს წამოგვადგა მესამე კითხვით: ეს მეცხრე ვაგონიაო? ვაჰ, მივხვდი მატარებელში ეგონა თავი და იმედი არ გავუცრუე, დავუდასტურე, რომ მეცხრე ვაგონი იყო. მერე ჩემი ადგილი ფანჯარასთან არის და დამსვითო, გავატარეთ, დაჯდა, მაგრამ მაინც ცქმუტავს;

რამოდენიმე წამის შემდეგ:

ტიპი: (ბორტ გამცილებელს უხმობს), გენაცვალე ერთი ცხელი ჩაი ან ყავა მომიტანე რა, ოფიციანტი: კი როგორც ავფრინდებით, მაშინვე მოგართმევთ;

ტიპი: ჰო, კარგი.

ჩვენს უკან ბავშვები ისხდნენ, წამოხტა და ახლა იმათ მიუბრუნდა, გაეთამაშა ტაგლი-ტუგლი-ტაგლი;

ცოტა ხნის მერე ისევ ოფიანტს უხმმობს და ახსენებს ცხელი ჩაის და ყავის ამბავს.

მერე ჩვენ მოგვიბრუნდა, რომელი საათია, სადაურები ხართ და გულში ვფიქრობ წინ მთელი სამი საათი გვაქვს;

ლეპტოპი ავიღე და დავიწყე მუშაობა, ზუსტად ნახევარი წუთის შემდეგ:

ტიპი: გენაცვალე დიდი ხნის საქმე გაქვთ?

მე: უკაცრავად? (გაკვირვებული)

ტიპი: არა, ტვალეტში მინდა და გამატარეთ

მე: აააა, მიბრძანდით

ხოდა, ვიდრე მისკუზი დაბრუნდებოდა მე და ჩემი დაქალი ანალოგიური სისხარტით, ისე როგორც ევროტურშია  წინა თავისუფალ ადგილზე გადავედით.

თუმცა ჰურგადის აეროპორტში კიდევ ვნახეთ, როგორც შემოვიდა ჰოლში, მაშინვე იქ მდგომ დაცვას ჩაუარა ზემუშტით და ძახილით: ჯორჯია, ჯორჯია. არადა რად უნდოდა მისი ძახილი, როგორც აეროპორტის გარეთ გავედით, პირველი ტაქსი მომხვდა თვალში უკანა საქარე მინაზე მთლიანად საქართველოს დროშით.

ადგილზე ძალიან მოწესრიგებულად დაგვხვდნენ ინტერკონტინენტალის წარმომადგენლები, გაგვანაწილეს მინიბუსებში სასტუმროების მიხედვით და დავიძარით.

სურათი ასეთია: გზა ძალიან კარგი (მოკლედ ეს მიშა სად არ მიწვდება), მივიწევთ წინ ნელ-ნელა, მარცხნივ სულ ხრიოკი, უდაბნო, მარჯვნივ სულ სასტუმროები ჩამწკრივებული, ხოლო სასტუმროების წინ წითელი ზღვა.  თითოეულ სასტუმროს აქვს უზარზმაზარი შესასვლელი და თითოეული სასტუმრო ერთი პატარა ქალაქი ზღვის პირზე.

ჯერ სასტუმროს უზარმაზარი კომპლექსი, წინ ბილიკები, სიმწვანე, პალმები, სხვადასხვა ზომის და ფორმის აუზები და შემდეგ ზღვა.

ზღაპრულ!

მაშ ასე, აქვე ვიწყებ პოსტების სერიას ”ეგვიპტური ღამეები”, არ გადართოთ, მცირე პაუზის შემდეგ მოგიყვებით პირველი ეგვიპტური ღამის შესახებ. 🙂 🙂 أنا أحبك

Advertisements

3 comments on “Voyage

კომენტარის დატოვება

Fill in your details below or click an icon to log in:

WordPress.com Logo

You are commenting using your WordPress.com account. Log Out / შეცვლა )

Twitter picture

You are commenting using your Twitter account. Log Out / შეცვლა )

Facebook photo

You are commenting using your Facebook account. Log Out / შეცვლა )

Google+ photo

You are commenting using your Google+ account. Log Out / შეცვლა )

Connecting to %s