ჩარჩენილი

როცა დაღლილი,
აშლილ და არეულ ძვლებს
ლოგინში ალაგებ,
როცა გონებას სასმელით დაბინდულს
ბალიშზე ასვენებ,
როცა გულს დაშლილს
ვერ აწყობ
და ისიც ფეთქავს ბევრ ნაწილად,
აქა იქ,
და მაშინ გესმის სიბნელეში
მხოლოდ ხმა, მხოლოდ ხმა
ჩაკარგული გულის ნაწილების
გინდა მოძებნო,
შეაკოწიწო ისევ,
ბრმა თახვივით ხან ერთ კედელს
ხან მეორეს ეხეთქები,
ვერც პოულობ,
გამოკეტილი ხარ გულთან ერთად,
უფრო სწორედ
შენს დაშლილ გულთან ერთად
და ეძებ . . .

Alone Again – original oil figurative painting by Connie Chadwell

სისხლიანი ნისლი

სველი თითებით შევეხე

შენს გულს

და კიდევ უფრო დამისველდა

სისხლში . . .

დილის ჰაერი მძიმედ შევისუნთქე,

ვერაფერს ვხედავდი

ნისლში . . .

რომელიც სულზე მაწვებოდა,

სხეულს მინამავდა

უხვად . .

შენი გული ვიგრძენი,

სველი თითებით,

ისევ ფეთქავდა,

მძიმედ . . .

და სისხლის წვეთებს ურევდა

დილის ნისლში

ისევ . . .