ლეგენდა ლენაზე (ზურა ყიფშიძისა და ელენე ყიფშიძის დედაშვილობის ამბავი) (via რეზო შატაკიშვილის ბლოგი)

რეზო შატაკიშვილი 2004 წელია. პაპანაქება ზაფხულია – 31 ივლისი უნდა გათენდეს. შუაღამეა – ღამის 4-ის ნახევარია. მოხუცი, 80 წელს მიტანებული, უკურნებელი სენისგან განაწამები დედა სიკვდილს ებრძვის. მასთან მხოლოდ მისი ერთადერთი ვაჟია. დედა შვილის მკლავებში ამთავრებს სიცოცხლეს. შვილი არავის ეძახის, მარტო რჩება დედასთან. შვილი ტირის დიდხანს, ებოდიშება გარდაცვლილ, ჯერაც ისევ თბილ დედას… ყველაფერს ფასი აქვს დაკარგული – სასოწარკვეთასაც, იმედსაც, ქმედებასაც, … Read More

via რეზო შატაკიშვილის ბლოგი

ბლოგები იურისტებისთვის ანუ რა არის Blawging

Blawg – A law blog, ანუ ბლოგი, რომელიც მოიცავს თემებს გარკვეული იურიდიულ საკითხების, პრობლემების, დარღვევების ირგვლივ, ქეისებს, მოვლენებს და ა.შ.

ვინ შეიძლება იყოს ბlawგერი?

სათაურში წერია – ბლოგები იურისტებისთვის, თუმცა ეს არ ნიშნავს იმას რომ თქვენ აუცილებლად სამართალმცოდნე უნდა იყოთ ამ ტიპის ბლოგის საწარმოებლად. მაგრამ რადგან ასეთი ბლოგის 90% მაინც სწორედ იურიდიულ საკითხებს, სამართლებრივ დარღვევებს, პრობლემებს, ყოფით ქეისებს და ა.შ. უნდა ეხებოდეს სასურველია რომ იურისპრუდენცია ჰობის დონეზე მაინც გქონდეთ აღქმული, იყოთ ღრმად დაინტერესებული ან/და მეტ-ნაკლებად ერკვეოდეთ მსგავს საკითხებში.
თემატიკაში არ ხართ შეზღუდული, შეგიძლიათ საერთო ხაზით წაიყვანოთ ბლოგი ან გააკეთოთ უფრო ვიწრო ტიპის და მაგალითისთვის, წეროთ დაუშვათ არა მთლიანად სამოქალაქო სამართლის თემებზე არამედ შემოიფარგლოთ ცალკე – საოჯახო სამართლის პრობლემატიკით ან უფრო დაწვრილმანდეთ და მხოლოდ დაქორწინების, განქორწინების ან შვილად აყვანის თემებით, ასეთი ვიწრო სპეციალიზაციის უცხოენოვანი ბლოგებიც უამრავი შეგხვდებათ, ზოგიერთ მათგანს მეც შემოგთავაზებთ.
ასევე შეგიძლიათ დაწვრილებით უამბოთ თქვენს მკითხველს როგორ აიღეთ რომელიმე საჯარო დაწესებულებაში რაღაც კონკრეტული დოკუმენტი, რა პროცედურები გაიარეთ, რა საბუთები მოგთხოვეს; მაგალითისთვის, როგორ მოახდინეთ იურიდიული პირის (შპს, სს და ა.შ.) რეგისტრაცია, ბანკებთან ურთიერთოება, მითუმეტეს თუ პრობლემატურ სიტუაციაში აღმოჩნდით და ამის შესახებ დაწერთ თქვენ აუცილებლად დაეხმარებით სხვას და შესაბამის რჩევებსაც მისცემთ.
საადვოკატო ბიუროებისთვის ძალიან მომგებიანი და სასარგებლო იქნება ამ ტიპის ბლოგი, ბიუროებს მიეცემათ საშუალება უფრო ინტერაქტიულები გახდნენ, გასწიონ ონლაინ კონსულტაცია, განათავსონ სხვადასხვა აქტუალური ქეისები, ასევე რჩევები რომელიც გამოადგებათ მოქალაქეებს სხვადასხვა სამოქალაქო ურთიერთობების ჟამს.
ქართულ ინტერნეტ სივრცეში იურიდიული ბლოგინგი განვითარებული არ არის თუ არ ჩავთვლით აქა-იქ სხვადასხვა, საერთო თემატიკის ბლოგებზე გაფანტულ იურიდიული ხასიათის ბლოგებს, აქვე ძალიან კარგი ქეისი მახსენდება – ”ბლოგერები VS TBC BANK”, რის შესახებაც სხვადასხვა Law Post-ები დაწერეს Cannabis-მა, კატიემ, BigCrow-მ და  ა.შ.

თუ სასწავლო ან სამსახურეობრივი მიზნებისთვის რაიმე თარგმნეთ სხვადასხვა ენიდან ესეც შეგიძლიათ განათავსოთ ბლოგზე, რადგან ქართულენოვანი მწირი ინტერნეტ რესურსების გამო, ამ გზით ძალიან ბევრ სტუდენტს თუ სხვა უამრავ დაინტერესებულ პირს დაეხმარებით.
ჯერჯერობით ვიპოვე ერთი იურიდიული ბლოგი რომელიც როგორც ჩანს ეკუთვნის საადვოკატო ბიუროს, მართალია ბლოგი დასახვეწია როგორც ტექნიკურად ასევე თემატურად, მაგრამ ეს მაინც უკვე წინ გადადგმული ნაბიჯია.  (თუ იცით კიდევ შეგიძლიათ მიუთითოთ კომენტარების სახით).

კარგი წამოწყება აქვს tamaRa\’s Dynamite-ს მასაც ვურჩევ და უკვე დროა გააკეთოს ასეთი თემატიკის ბლოგი, მითუმეტეს აქვს ბლოგერული და იურიდიული გამოცდილება და დარწმუნებული ვარ კარგად გამოუვა.

მსგავსი ბლოგების შესახებ უფრო ნათელი წარმოდგენისთვის გადახედეთ ლინკებს:

ძალიან საინტერესო ადამიანის ბლოგი აღმოვაჩინე ეს არის The Mommy Blawg, რომელიც წერს სხვადასხვა იურიდიულ საკითხზე, კერძოდ კი რაც დაკავშირებულია ოჯახთან, შვილებთან, ბავშვის გაჩენასთან, ორსულობასთან და ა.შ. მაგ. ერთი პოსტს გადავხედე, სადაც ავტორი წერს, რომ ერთ-ერთ შტატის კანონმდებლობაში შეიტანეს ცვლილება და დაუშვეს საზოგადოებრივი თავშეყრის ადგილებში ძუძუთი კვება.

ბლო’გის ავტორი არის პროფესიით იურისტი, ჰყავს სამი შვილი და აქვს 4 საინტერესო ბლოგი საერთო ჯამში, ჯერჯერობით ეს ქალბატონი ჩემი ფავორიტია ამ სფეროში.

საოჯახო სამართლის თემა შეგიძლიათ განაგრძოთ ამ ბლოგზე.

Employment Blawg (დასაქმების ბლოგი) – ვაკანსიები, გასაუბრების, CV-ის მომზადების წესები, შრომის კოდექსი, სამართლებრივი დახმარება უფლებების დარღვევის შემთხვევაში და ა.შ.

ეს ორი ბლოგიც წერის და დოკუმენტებთან მუშაობის თვალსაზრისით ძალიან საინტერესოა:

აკადემიური წერა/საქმიანი მიმოწერა – სიტყვების სწორად გამოყენება, დოკუმენტის ფორმა, თემატიკის სიზუსტე, პუნქტუაცია, აქვე აღმოვაჩინე რომ 24 სექტემბერს აღინიშნება  პუნქტუაციის ეროვნული დღე.

Legal Writing – იურიდიულად გამართული წერა, იურიდიული დოკუმენტების შედგენა და ა.შ.

 

თემა – განსხვავებულობა/სექსუალური/ეთნიკური და ა.შ. უმცირესობები

HenkelDiversity - ბლოგი ინგლისურ და გერმანულ ენებზე, ეხება იურიდიულ საკითხებს განსხვავებულობის, ჩართულობის (ინკლუზიურობის) ირგვლივ.

Who\’s News? -განსხვავებულობის პრობლემებზე, მოქალაქეთა უფლებებზე, საიმიგრაციო საკითხებზე  და ა.შ.

 

როგორც ჩვენთან არის წამოჭრილი საკითხი ვინ არის პირველი ბლოგერიო, აქაც ცოტა ვერ გაურკვევიათ ვინ არის პირველი იურიდიული ბლოგის ავტორი  ანუ ბlawგერი:

პირველი ბlawგერის შესახებ – ინფორმაცია

ჰაიკუების ბლოგი – ასევე ერთ-ერთი პირველი იყო იურიდიულ ბლოგო სფეროში, რომელიც 2003 წელს გამოჩნდა და 2009 წლისთვის დაარქივდა, საკმაოდ მადისაღმძვრელი არქივი აქვთ, ჩამითრია უკვე

ადამიანის უფლებების დაცვის ბლოგი – ადამიანის უფლებების და ძირითადი თავისუფლებების შესახებ, განხილულია სხვადასხვა ქეისები, სხვადასხვა ქვეყნებში, ასევე პოლიტიკოსების, რიგითი ადამიანების, ეკლესიების და სხვა მრავალი საკითხი.

ბლოგის ავტორი არის იურისტი/ადვოკატი, რომელსაც ამავდროულად აქვს ლუდსახარში, მისი ბლოგიც აერთიანებს სწორედ ლუდს და კანონს.

აქ მხოლოდ კატეგორია მაქვს ასეთი საკითხებისთვის, თუმცა ვაპირებ ამ ბლოგზე უფრო ვრცლად შემოგთავაზოთ თემები და კოლეგებთან ერთად რაიმე საერთო ბლოგიც არ იქნებოდა ურიგო.

ციფრული მაუწყებლობა და საქართველო

ტრენინგის მე-2 დღე

ტრენინგის ”გამოხატვისს და ინფორმაციის თავისუფლება საქართველოში – არსებული პრობლემები და გამოწვევები” ფარგლებში, ს ერთ-ერთი სალექციო თემა იყო ციფრული მაუწყებლობა საქართველოში.

აღნიშნულ ტრენინგს ახალგაზრდა იურისტთა ასოციაცია IREX-თან თანამშრომლობით ატარებს USAID-ის მხარდაჭერით განხორციელებულ G-Media პროგრამის ფარგლებში.

რაც შეეხება თემას:

ბლოგპოსტების იმპორტირება Fეისბუქზე

ერთი ტუტორიალი როგორ არ უნდა იყოს ამ ბლოგზე ჰა?!  ხოდა წეღან შემთხვევით მივაგენი ამ ოფციას, თქვენ ალბათ უკვე იცით, ჩემთვის სიახლეა და ამ დრომდე არსად შემხვედრია.

მაშ ასე, თქვენ ბლოგს უკავშირებთ ფეისბუქს და მასაც ავტომატურად „ჩანაწერების“  (Notes) სახით, მოკლე ვერსია გადმოაქვს ფეისბუქზე. პირველ ორ სკრინზე თავად შევიწუხე თავი, ხოლო დანარჩენი გადმოვიტანე

როდის ესინჯება ნაჩუქარ ცხენს კბილი?

ყველას გვსმენია თბილისის მერიის პროექტის – ინგლისური ენის და კომპიუტერის შემსწავლელი უფასო კურსების შესახებ.

არ მაქვს პირდაპირი შეხება თუ არ ჩავთვლით იმას, რომ ჩემი რამოდენიმე მეგობარი დადის ინგლისური ენის კურსზე.

არ დავწერდი ამ პოსტს, რომ არა ჩემი მეგობრის დილანდელი ზარი და ამბავის მოყოლა თუ როგორ აუხსნა მასწავლებელმა მოწაფეებს ”to be” ზმნის მარტივ (უბრალო) წარსულ დროში (Simple Past) უღლება.

ახსნილი მასალა ასე გამოიყურება:

I did was

You did were

He did was

She did was

It did was

We did were

You did were

They did were

სწორი ვერსია იხილეთ ამ ბმულზე.

საბედნიეროდ ვიწექი და დაცემას გადავრჩი, სრული შოკი მქონდა, ასე ახსნა როგორ უნდა მოუვიდეს ადამიანს თავში ვერ მივხვდი, კარგი თუ არ იცი წიგნი მაინც მოიშველიე და უკარნახე წიგნიდან სიტყვა სიტყვით.

თავად ჩემი მეგობარი, ორი ენის (ბერძნული/ფრანგული) სრულყოფილად მცოდნე, ძველი ნასწავლის გახსენების და ფორმაში ყოფნის მიზნით დადის აღნიშნულ კურსებზე და შესაბამისად ამ უმარტივეს, სწავლის საწყის საფეხურებზე ასახსნელ მასალაში დაშვებულ უდიდეს შეცდომას უმალ მიხვდა და იქვე ორ თანაკურსელსაც გაუზიარა და ურჩია ახსნილი მასალა გადაემოწმებინათ.

ახლა წარმოიდგინეთ რამდენი ადამიანი დადის ამ კურსებზე, სხვადასხვა ასაკის და შესაძლებლობების და რამდენი დაიჯერებს რომ ”to be” ზმნა წარსულ დროში სწორედ ასე იუღლება და სწორედ ასე ისწავლის ახსნილ მასალას, რადგან იქ ყველა ბოლომდე დარწმუნებულია მასწავლებლის კვალიფიციურობაში, როგორც აღნიშნულია კიდეც ოფიციალურ ვებ-გვერდზე.

ძალიან საინტერესოა ვინ ამოწმებს მოწვეული მასწავლებლის პროფესიონალიზმს და ე.წ. კვალიფიციურობას ან ამოწმებს თუ არა საერთოდ ვინმე?! აქ მივუთითებ, რომ ზემოაღნიშნული მასწავლებელი არის 22 წლის და ინგლისური ენის კურსები აქვს გავლილი მხოლოდ და მხოლოდ.

საქმე ხომ ცოდნის დამახინჯებულად მიწოდებას ეხება და რაც ყველაზე ცუდი იქნება, ეს ხელს შეუწყობს კიდევ უფრო არაკვალიფიციური ნაკადის წამოსვლას.

აკი ბევრჯერ მითქვამს და მიწუწუნია, რომ დაახლოებით 2 წელია შემცვლელს ვეძებ, ადამიანს რომელიც შეძლებს სრულყოფილად შემცვალოს და თარგმნოს ინგლისური ენიდან ქართულზე და პირიქით და ძლივს, ამდენი ხნის, მრავალჯერ ვაკანსიის გამოცხადების და მრავალი გასაუბრების შემდეგ ვნახე ერთი ადამიანი, ანუ კვალიფიციური კადრის პოვნა აღმოჩნდა ძალიან რთული, მოწვეული კანდიდატები ვერ გადიოდნენ ელემენტარულ ტესტირებას .

ამ ყველაფერის ფონზე, მე ძალიან მიკვირს თუ საიდან მოიყვანა და სად იპოვა თბილისის მერიამ ამდენი კვალიფიციური ინგლისური ენის პედაგოგი?!

ასეთ შემთხვევაში მგონია, რომ  ნაჩუქარი ცხენის კბილი არა მხოლოდ გასინჯვას, არამედ სასწრაფო და გადაუდებელ ექსტრაქციას ექვემდებარება!

თბილისის მერი გიგი უგულავა ესწრება ინგლისური ენის გაკვეთილს

 

15 წერილი ქუცნას – უჩემოდ ყველა გზა ხსნილია

უგულისყურო და ცივი ადამიანი ვარ დღეები ისე გავა ადამიანს არ მოვიკითხავ, შენც მათ რიგებში ხარ ქუცნა. გგონია არ მიყვარხარ? გგონია შენზე მეტად ან ნაკლებად მიყვარს ვინმე? არა, პირიქით ყველა ძალიან მიყვარს, უბრალოდ ხანდახან ვფიქრობ, რომ სიყვარულის გამანაწილებელი დავკარგე დიდი ხნის წინ, ხან ერთ მხარეს მივმართავ ჩემ სიყვარულს ხან მეორე მხარეს, ერთს რწყევა ემართება ჩემი სიყვარულით, ათს კი სიკვდილამდე ვენატრები, აბა ეს არის საქმე? ახლაც, აი როდესაც გვერდით ექიმის დანიშნული წითელი ღვინით სავსე ბოკალი მიდგას, ვფიქრობ ვინ უფრო მიყვარს ყველაზე მეტად ან თუ მიყვარს ვინმე, ისე რომ დავწერო წერილი, დავრეკო, დავუძახო, ქვა ვესროლო და ჩემსკენ შემოვახედო, ან მიყვარს კი ვინმე საერთოდ? თუ კი, ეს ჩემი თავი ნამდვილად არ არის, ვიღაც სხვაა, რომელიც სადღაც დგას, ალბათ კუთხეში, უღიმღამოდ და იქნებ არა ერთი ჭიქა აქვს უკვე დაცლილი . . .  არა სიყვარულით . . .

ბოლო დროს საშინელებები მესიზმრება ქუუც, ვდგები დამძიმებული, ფინჯან ყავას ფერზე მოვყავარ და მივიზლაზნები სამსახურისკენ. საშინელი მოძრაობა, მეჩვენება რომ ყველა ვინც საჭეს მართავს ერთმანეთი სძულთ, ერთმანეთის კონკურენტები არიან მართვაში, ყველას სურს პირველობა, ყველას სურს პერსონალური გზა, სულ ხსნილი და მწვანე შუქნიშნებით განათებული. შენ გინდა ეგრე? არ ფიქრობ რომ მოსაწყენია? არ ფიქრობ რომ ხანდახან უნდა შეისვენო და გზა სხვას დაუთმო? მე ვუთმობ, თითქმის სულ ვუთმობ, თავს ვისულელებ, მაგრამ მერე რა, ზოგჯერ დათმობაც ხომ სხვისი დამცირების ტოლფასია, სხვისი სისუსტის აღიარებაა . . .

თითქმის უკვე ორი დღეზე მეტია სოციალურ ქსელს გამოვეთიშე, იმ სოციალურ ქსელს რომელსაც შენ ვერ იტან და ფიქრობ რომ ადამიანებს აშორებს და აუცხოებს, ისიც მახსოვს მეჩხუბებოდი ამიტომ ვერ იცლი ჩემთვის და ბევრ დროს გაკარგვინებსო. არ გამართლდა შენი ფიქრები და ვარაუდები, არავითარი დამოკიდებულება, არავითარი დროის დაკარგვა ისევ ისე ვმუშაობდი როგორც მანამდე, ქსელში ჩართვამდე მხოლოდ პაროლის აკრეფა მჭირდებოდა, ერთხელაც არ წამცდენია ხელი. არც ის გამოდგა მართალი ადამიანებს აშორებსო, პირიქით, არასოდეს ისე ახლოს არ ვყოფილვარ ადამიანებთან ქუუც როგორც ახლა, უფრო ხშირად ვხვდებით ერთმანეთს რეალურ რიტმში, ვსაუბრობთ, ვსეირნობთ, კინოში, თეატრში დავდივართ. ამას წინად, ერთმა აწ უკვე ვირტუალურმა და ახლა რეალურმა მეგობარმა პატარა, საყვარელ კაფეში დაგვპატიჟა, აი მითხარი ბოლოს როდის მიირთვი ნაკვერჩხალზე მოდუღებული ყავა ან მიირთვი ნაკვერჩხალზე გამომცხვარი პური? მე დიდი ხანია, თითქმის ოთხი ხუთი საათი დავყავი იქ, არადა მეგონა ნახევარი საათის მისული ვიყავი ისე მალე გავიდა დრო სასიამოვნო ჭუკჭუკში, გიტარაზე დაკვრაში და სიმღერაში. შენ კი სულ მსაყვედურობ მაინც . . .

ვაპირებ დავუბრუნდე ისევ ვირტუალურ ცხოვრებას, ექსპერიმენტმა წარმატებით ჩაიარა, მე უკვე აღარ მესმის ადამიანების, რომლებიც დროებით ეთიშებიან ხან რეალურ და ხანაც ვირტუალურ ცხოვრებას . . . მთავარი არც ერთია და არც მეორე, მთავარი ის არის, რომ იქ ხარ სადაც მოგწონს, სადაც ცხოვრობ და არა ცოცხლობ, სადაც ემოციების, გრძნობების უწყვეტი ურთიერთგაცვლაა, ხან შენ გწყინს, ხან მას, ხან შენ გიხარია ხან მას, ხან შენ ბრაზდები და ხან ის, აბა როგორ . . . შენ რა არ მოგწყინდა მანდ უემოციოდ და ასე უღიმღამოდ ყოფნა, გაბრაზებული და დეპრესიული კი მერე ჩემზე იყრი ხოლმე ჯავრს, მწერ რაღაც გაუგებარ წერილებს ან გაბუტული საერთოდ ხმას არ იღებ. ჩემი არ იყოს მგონი შენც სიყვარულის გამანაწილებელი დაკარგე და მხოლოდ ჩემსკენ მომართულ გრძნობებს ვეღარ აკონტროლებ . . .

მაინც მიყვარხარ თუნდაც იმიტომ, რომ ჩემი ყველაზე, ყველაზე ერთგული ადრესატი ხარ.

დროებით ქუც.

 

პ.ს. სხვა ყავა , არა ისეთი როგორიც აქამდე გაგისინჯავს

სამედიცინო ცნობა #FB-2011/1

ფორმა #FB100

დამტკიცებულია საქართველოს

სოციალური ქსელების განვითარების სამინისტროს მიერ

სამედიცინო ცნობა #FB-2011/1

პი-ფენომენი, როგორც მონტაჟის საწყისი ფორმა

ოპტიკური ილუზია, რომელსაც აღქმის ფსიქოლოგიაში, 1912 წელს  პი-ფენომენი უწოდეს, რაც ნიშნავს იმას, რომ უძრავი კადრისების ერთმანეთის მიყოლებით გაშვებით მიიღწევა უწყვეტი მოძრაობის ეფექტი, რაც საბოლოოდ ერთიან შთაბეჭდილებად აღიქმება.

ეს ფენომენი კარგად წარმოაჩინა სერგეი ეიზენშტეინმა, 1925 წელს გადაღებულ თავის ფილმში ”ჯავშნოსანი პოტიომკინი” – კერძოდ კი ფინალში, ოდესის კიბის სახელით ცნობილ სეკვენციაში.

მარმარილოს ლომის სამი კადრისი: 1) მძინარე  2) იღვიძებს 3) დგება ღრიალით ამ კადრისების სწრაფი მიყოლებით იქმნება ერთი მოძრავი ლომის შთაბეჭდილება – როგორც რუსი ხალხის აჯანყების მეტაფორა მეფის ტირანიის წინააღმდეგ.

მთლიანობაში ეს ფილმი კინომონტაჟის, კინოხელოვნების პიკია, ტექნიკური თვალსაზრისით დღეს ყველაფერი ადვილია,  თუმცა იმ ეფექტების მიღწევა, რომელსაც ასეთი ემოციები მოაქვს ძალიან რთულია, უფრო  მეტიც შეუძლებელი.

იხ. ვიდეო

2:54-დან ლომი

 

უნიჭო ოპრა უინფრი და მისი „გავლენიანი ქმარი“, რომელიც არ ჰყავს

გარკვეულწილად ვეთანხმები ვასასის პოსტს , თუმცა რაღაც შენიშვნები მეც მაქვს და ვინაიდან მომრავლდა ამა თუ იმ შოუს მიმართ ზომიერი თუ არაზომიერი კრიტიკა, მეც ვიტყვი ორიოდე დაგროვილ სიტყვას “updated”

პირველ რიგში უნდა აღვნიშნო რომ მსგავსი შოუების საწინააღმდეგო არაფერი მაქვს თუ ეს გარკვეულ წინსვლას შეუწყობს ხელს ტურისტულ ზონებში (და როგორც ვიცი უწყობს კიდეც).

მეორე რიგში, ხალხს ავიწყდება რომ შოუ ერთ–ერთი რეიტინგულია მთელ სატელევიზიო ბადეში, გადის პრაიმტაიმში და იღებს ძალიან ბევრ სარეკლამო დაკვეთას, ასევე ჰყავს სხვადასხვა სპონსორი.

მესამე რიგში, ამ შოუს აკეთებს ძალიან კარგი გუნდი, რომელმაც ზუსტად იცის მასებს რა მოსწონთ, რას უყურებენ, კარგად ფიქრობენ რა შემოიტანს ფულს და როგორ უნდა გახადონ ესა თუ ის გადაცემა პოპულარული და რეიტინგული.

და აი აქ ვართ, სწორედ ეს არის მათი საქმე, ტელეპროდიუსინგი, რაც ესოდენ აკლია ბევრ ტელევიზიას და რომლის მნიშვნელობა ჯერ კიდევ ბევრს კარგად ვერ გაუგია, და  ის არ არის საქმე, რომ რამოდენიმე ათეული ადამიანისთვის ზეინტელექტუალური გადაცემა გააკეთოს და ხელი შეუწყოს მათ მაღალი მატერიების ღრუბლებისკენ ნძრევით სვლაში.

და საერთოდ ტელეწამყვანების უნიჭობა და ნიჭიერება, ცოტა ღრმა და საფუძვლიან შესწავლას მოითხოვს ვიდრე ამ პოსტში მე ამას შევძლებდი. ჯერ უნდა მოხდეს დიფერენციაცია თუ რას ნიშნავს ნიჭიერი ტელეწამყვანი, კერძოდ კი შოუშ წამყვანი. თუმცა უნდა აღინიშნოს, რომ პრაიმტაიმში ამ ტიპის თოქ შოუს ტელეწამყვანი  უნდა იყოს უშუალო, თბილი, ალალი, ლაღი, ბუნებრივი და შეძლოს მაყურებელთან მაქსიმალურად მისვლა და შოუში მოყვანილი პერსონების და ამბების მათთან ძალდაუტანებლად მიტანა.

საღამოს ტელევიზორთან მოკალათებული ადამიანი არის დაღლილი მთელი დღის ქაოსით, პოლიტიკით, მძიმე ამბებით, მძიმე აურით და მას უბრალოდ აღარ სურს რომ ძილის წინ დამატებით კიდევ ტვინი გაუჟიმოს ვინმემ ან რამემ, სურს რომ უბრალოდ მოეშვას, მოდუნდეს და იცინოს რაღაც სიდებილზე, სისულელეზე, ვიღაცის სასიამოვნო თუ უსიამოვნო, მხიარული თუ ნაღვლიანი ისტორია მოისმინოს და რაღაცნაირად გზა მისცეს საკუთარ ემოციებს.

ჩემი ჟიულ ვერნი

გუგლის დუდლმა შემახსენა რომ ჟიულ ვერნის დაბადებიდან 183 წელი შესრულდა.

”ოცი ათასი კილომეტრი წყალქვეშ”, ”80 დღე დედამიწის გარშემო”, ”მოგზაურობა დედამიწის ცენტრისკენ” და სხვა მრავალი არაჩვეულებრივი სამეცნიერო ხასიათის ნაწარმოები დაგვიტოვა ამ შესანიშნავმა მწერალმა. უფრო მეტიც ლიტერატურაში, ამ მიმართულებით პირველი ნაბიჯებიც სწორედ მან გადადგა.

მახსოვს ერთი ამოსუნთქვით ვკითხულობდი, ხან წყალქვეშ ვეშვებოდი თავდავიწყებით, ხან დედამიწის გარშემო ვმოგზაურობდი ისე, რომ საჭმლის ჭამაც კი მავიწყდებოდა . . .

მისი ბრალია ალბათ ასე რომ გადავირიე წყალზე და წყალქვეშა სამყაროზე, ეს სწორედ ის ავტორია რომლის წაკითხვაც ყოველთვის მესიამოვნება და ყველას ვურჩევ პატარას თუ დიდს.

იხილეთ მეტი

 

ოცი ათასი კილომეტრი წყალქვეშ (1954წ)

უოლტ დისნეის ერთადერთი ნაწარმი სამეცნიერო ფანტასტიკის ჟანრში და იმ დროს ყველაზე მაღალბიუჯეტიანი ფილმი, მთავარ როლებში კერკ დუგლასი, ჯეიმს მეისონი, პოლ ლუკასი

 

მშიერი მიმიკები

დიდი სცენა, გრეხილი მიმიკები

დიდი სპექტაკლი, სცენაზე მსახიობები თავს არ ზოგავენ

დუმ დუმ დუმ დუმ დუმ

 

ქვემოთ, პარტერში ელიტა ფურშეტს ნთქავს

კულისებში კი პროდუსერი ჯერ ისევ დამწყებს ტყნავს

დუმ დუმ დუმ დუმ დუმ

 

სცენაზე პროფესორები, პარტერში პუბლიკა

კბილებში კანაპე, ცრუ აპლოდისმენტები

დუმ დუმ დუმ დუმ დუმ

 

მსახიობები თავს არ ზოგავენ, ო როგორ შიათ

თვალს აპარებენ, სახეს მანჭავენ, ხელებს გრეხენ

დუმ დუმ დუმ დუმ დუმ

 

პუბლიკა კანაპეს პირში ვერ იკავებს

კულისებში კი დამწყები  . . . .

ოჰ, ეს დამწყები . . . .

დუმ დუმ დუმ დუმ დუმ

 

ფინალი დგება, მსახიობი იხრება

ცრუ ტაშს ცხიმიანი ხელები გუდავს,

მაყურებელი დგება, პროდიუსერს უვარდება

ოჰ, ისევ ეს დამწყები . . . .

დუმ დუმ დუმ დუმ დუმ

Why you never question a drunk…

I was shopping at the local supermarket where I selected:

• A half-gallon of Jack Daniels
• A box of condoms
• A quart of KY Jelly
• A box of Twinkies
• A nice textured cucumber
• A whole hog on a spit

As I was unloading my items on the conveyor belt to check out, a drunk standing behind me watched as I placed the items in front of the cashier. While the cashier was ringing up the purchases, the drunk calmly stated, ‘You must be single.’

I was a bit startled by this proclamation, but I was intrigued by the derelict’s intuition, since I indeed had never found Mr. Right. I looked at the six items on the belt and saw nothing particularly unusual about my selections that could have tipped off the drunk to my marital status..

Curiosity getting the better of me, I said , ‘Yes you are correct . But how on earth did you know that?’

The drunk replied, ‘Cause you’re fucking ugly.

ეს პოსტი მომეწონა დღეს Reddit-ზე